Екипата на Денвер Нагетс доживеа пораз од Минесота Тимбервулвс во историската вечер за Никола Јокиќ.
Јокиќ играше нешто повеќе од 52 минути и постигна 61 поен, со 10 скока и 10 асистенции. Ова е најголем број на поени во трипл-дабл учинок во историјата на лигата, но Нагетс по два продолженија изгубија со 140:139.
Малку недостигаше да победат, но има и оние кои сметаат дека судиите им го донеле триумфот на Тимбервулвс.
Денвер водеше 139:138 на 18 секунди пред крајот, Минесота потоа не го искористи нападот, Вестбрук ја украде топката, но не успеа да поентира, па направи фаул врз Александер-Вокер при шутот за три поени. Тој ги уфрли првите две слободни фрлања, третото го промаши и ѝ донесе победа на Минесота.
Сепак, досуден е многу дискутабилен прекршок за кој многу се зборува меѓу навивачите и стручњаците, по што беа доделени три слободни фрлања. Погледнете и проценете сами дали Расел Вестбрук направи прекршок.
