Историја: Ферстапен четврти пат по ред триумфира во Јапонија

Анде Јанков - македонски автор: Тајните на пишување добар крими роман!? ↓↓↓

Актуелниот шампион во Формула 1, Макс Ферстапен, го испиша своето име во историјата на Големата награда на Јапонија, откако стана првиот возач што успеал да победи четири години по ред на патеката Сузука.

На утринската трка, Ферстапен ја забележа својата прва победа во тековната сезона, оставајќи ги зад себе возачите на Мекларен — Ландо Норис и Оскар Пјастри — кои завршија на второто и третото место.

Ферстапен ја презеде водечката позиција уште на самиот старт, демонстрирајќи супериорна брзина и контрола во текот на целата трка. Иако Норис неколку пати успеа да му се приближи, шампионот секогаш имаше подготвен одговор и го задржуваше водството.

Во завршните кругови, Пјастри изгледаше побрз од својот тимски колега, но од Мекларен одлучија да не интервенираат со тимска наредба и да не ги менуваат позициите на возачите.

Фото: Formula 1/Twitter

ПОВРЗАНИ НАПИСИПОВЕЌЕ ОД АВТОРОТ