Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓
Шпанскиот играч од средниот ред Родри продолжува да се опоравува од повредата на тетивата, па ќе ги пропушти неделните натпревари на Манчестер Сити против Вилјареал и Астон Вила, изјави тренерот на англискиот прволигаш Пеп Гвардиола.
Дваесетидеветгодишниот играч, кој пропушти поголем дел од минатата сезона поради тешка повреда на коленото, го напушти теренот во првото полувреме од натпреварот меѓу Сити и Брентфорд, кој клубот од Манчестер го доби со 1-0 на 5 октомври, пред да се повлече од шпанската репрезентација за квалификациските натпревари за Светското првенство.
Го пропушти и домашниот триумф на Сити од 2-0 над Евертон во саботата. Манчестер Сити во вторник гостува кај поранешниот клуб на Родри, Вилјареал, во Лигата на шампионите, пред неделното гостување кај Астон Вила во Премиер лигата. Тимот на Пеп Гвардиола е втор на табелата со 16 бода по осум натпревари, со три бода помалку од водечкиот Арсенал.
