Лионел Меси со феноменална игра го одведе Интер Мајами во полуфиналето на Источната конференција во МЛС. Во одлучувачкиот натпревар со Нешвил, Меси даде два гола и една асистенција, со што беше клучен во победата од 4:0, односно во вкупната победа од 2:1 во серијата.
Меси за 1:0 постигна гол во десеттата минута со удар по земја од нешто повеќе од 16 метри, а 2:0 зголеми во 39-та минута од слична ситуација, но овојпат на празен гол. Во 76-та минута Тијаго Алмада погоди за 3:0, а три минути подоцна Меси му асистираше за конечни 4:0.
Покрај тоа што со брилијантната игра го одведе Интер Мајами во следната фаза на натпреварувањето и за тоа на „Софаскор“ заработи оценка 10, Меси исто така достигна и јубилеј. Асистенцијата на Алмада му беше дури 400-та во кариерата.
