Зошто проблемот со улични кучиња СÈ УШТЕ постои? | Уште еден поткаст ↓↓↓
Откако заврши сезоната, Пеп Гвардиола престана да биде тренер на Манчестер Сити. Веќе извесно време, раководството на овој клуб е во потрага по негова замена, а како што стојат работите, тие се многу блиску до постигнување конечен договор со личноста која ќе го наследи Шпанецот.
Според информациите од медиумите во Англија, Манчестер Сити е многу блиску до постигнување финансиски договор со Челзи, што ќе им овозможи да го именуваат Ензо Мареска за нов тренер.
Челзи бара оштета од Манчестер Сити за да го ослободи Мареска бидејќи веруваат дека имаат докази дека Шпанецот го прекршил договорот на Стамфорд Бриџ.
Тие тврдат дека Мареска разговарал со ривали од Премиерлигата додека сè уште бил нивен тренер минатата сезона.
Мареска, наводно, го известил Челзи дека бил контактиран од Манчестер Сити, а недолго потоа ја напуштил клупата на овој тим.
Челзи пред две години му плати на Лестер девет милиони евра обештетување за да го донесе Мареска.
Од Челзи веруваат дека имаат доволно докази за да го пријават Манчестер Сити во Премиерлигата поради нелегален пристап кон Мареска.
Меѓутоа, ако се постигне договорот меѓу двата клуба, тие нема да го сторат тоа и тоа е токму она што се очекува пред Мареска да стане нов тренер на тимот од Етихад.
Челзи разгледал поднесување на засебна тужба против Мареска, но се одлучил да се откаже од тоа ако постигнат договор со Манчестер Сити.
Финансиски договор вреден околу 12 милиони евра е она што во Челзи го сметаат за фер исход.
