По првите два дена од третото, последно коло на групната фаза на Светското првенство во фудбал, добивме некои одговори, но не и сите! Тоа што го дознавме се имињата на 19 репрезентации кои ќе играат во осминафиналето, но и четирите пара за оваа фаза.
Комплетирани се групите од A до F, а понатаму веќе се квалификувани: Мексико, Соединетите Американски Држави, Германија, Аргентина, Франција, Норвешка, Колумбија, Швајцарија, Канада, Бразил, Мароко, Босна и Херцеговина, Јужна Африка, Брегот на Слоновата Коска, Еквадор, Холандија, Јапонија, Шведска и Австралија.
Од друга страна, познато е дека во нокаут рундата ќе играат Јужна Африка – Канада, Холандија – Мароко, САД – Босна и Херцеговина и Бразил – Јапонија. По натпреварите вечерва и утре во ноќта ќе бидат решени многу дилеми.
Групната фаза завршува во ноќта меѓу сабота и недела, а веќе во недела од 21 часот првиот дуел, единствен тој ден, ќе го одиграат Јужна Африка – Канада.
