Новиот член на Суперлигата, ГКК Штип 1933, ги засили своите редови со крилен центар од Соединетите Американски Држави. Во клубот пристигна 23-годишниот Даниел Хенкинс-Санфорд (Daniel Hankins-Sanford), кој треба да ја зголеми конкуренцијата под обрачите и да помогне во играта во претстојната сезона.
Хенкинс-Санфорд е висок 203 сантиметри. Во НЦАА настапувал за Јужна Каролина и за ЈуМес (UMass), а во последната сезона имал просек од 11,3 поени и 7,1 скока по натпревар.
Со овие бројки, американскиот кошаркар пристигнува како солидно засилување на крилната центарска позиција за дебитантот во највисокиот ранг.
Штип новата сезона во Суперлигата ќе ја отвори на домашен терен против Тиквеш. Трансферот го објави Дерби.
