Микел Артета постигна конечен договор за нова, подобрена соработка со Арсенал, шампионот на Премиер лигата, јавува Би-Би-Си.
Актуелниот договор на шпанскиот стратег истекува на крајот од оваа сезона, а преговорите за продолжување траат веќе неколку месеци. Би-Би-Си претходно овој месец објави дека договорот меѓу страните е блиску, а сега се смета дека е постигнат конечен договор Артета да остане на „Емирати“.
Сè уште нема официјална потврда за точната должина на новиот договор, но се очекува тој да го однесе Артета најмалку до неговата десетта година во клубот. Тој пристигна во Арсенал во декември 2019 година.
Новиот договор ќе вклучува и значително зголемување на платата во однос на сегашните околу 10 милиони фунти годишно, плус дополнителни пет милиони фунти преку бонуси.
Артета минатата недела јасно стави до знаење дека сака да остане.
„Тие не треба да се грижат за ништо од тоа бидејќи јас сакам да бидам тука. Исклучително сум среќен и многу сум благодарен што работам со луѓето со кои работам“, изјави тој.
По освојувањето на првата титула во Премиер лигата по две децении минатата сезона, Артета гледа на продолжувањето на договорот како основа за градење династија во северен Лондон, пишува Би-Би-Си во анализата.
