Офанзивецот на Олимпик Лион, Набил Фекир неодамна изјави дека кариерата понапред би сакал да ја продолжи во шпанската Примера отколку во друга фудбалска лига.
Интересот за него е голем.
„Не размислувам за тоа моментално. Има уште многу до крајот на сезоната, иако тоа се само 3 месеци. Не размислувам за заминување. Сепак, морам да признам дека ми се допаѓа Шпанија. Тоа е лига во која се игра одличен фудбал. После Шпанија, најдобри се Англија и Германија, додека Италија помалку ми се допаѓа“ – изјави Фекир.
Самиот фудбалер призна дека е навивач на Барселона, но не крие дека сака да соработува со својот сонародник, прв човек во стручниот штаб на Реал Мадрид, Зинедин Зидан.
