Фернандо Торес вчера беше на рамот на смртта по жестокиот судир со играч на Депортиво.
Во ремито на Атлетико и Депортиво, Торес во еден воздушен дуел остана да лежи на земјата. Изгледаше страшно додека му се даваше помош, а потоа заврши во болница.
Тренерот на Атлетико, Симеоне вчера кажа дека Торес е при свест и дека ќе биде добро.
Сега се огласи и Торес, кој јасно дека и понатаму е во шок, но им се заблагодари на сите за поддршката.
„Им благодарам на сите кои се грижеа за мене и за сите пораки за поддршка. Бев малку исплашен, но се надевам дека брзо ќе се вратам.“
