Тренерот на Евертон, Роналд Куман најави дека Рос Баркли доколку не го продолжи договорот ќе биде продаден.
Баркли игра одлично, но му преостана уште една сезона од договорот, а претходно се поврзуваше и со Челси.
Тренерот на Евертон беше запрашан да ја прокоментира оваа ситуација.
„Рос е момче од Евертон и сакаме да остане. Неговата ситуација е тешка бидејќи тој станува слободен на крајот од наредната сезона. На управата на клубот преостанува да му понуди нов договор а тој да одлучи дали ќе го прифати“ – вели Куман.
