Дели Блинд истакна дека Вејн Руни направил трансфер во Евертон затоа што сакал да игра повеќе отколку во Манчестер Јунајтед минатата сезона.
Руни викендов ќе се врати на „Олд Трафорд“ и ќе се соочи со клубот во кој помина 13 многу успешни сезони, за прв пат по неговото заминување.
„Тој сакаше да игра повеќе отколку што играше минатата сезона. Тие сметаат дека ова е најдобро за него. Евертон дојде по него, а Евертон исто така е негов дом. Тој се уште е одличен фудбалер, одлична личност и јас сум среќен што имав можност да играм со него“- коментираше Блинд во изјава за „Скај Спортс“.
Холанѓанецот исто така потенцираше дека Руни е доста важен дел од тимот на Евертон откако уште на стартот почна да го прави она што во Манчестер Јунајтед минатата сезона и не му одеше баш најдобро, да постигнува голови и да асистира на своите соиграчи.
