Велшкиот фудбалер Герет Бејл (28) би можел да го напушти Реал Мадрид на крајот од сезоната. Од доаѓањето од Тотенхем во 2013. година, Бејл претрпе голем број на повреди и никако не ги оправда издвоените 100 милиони евра, колку што беше платен пред четири години.
Честите повреди го натераа раководството на Кралевите да го продаде 28 годишниот фудбалер.
Одлуката наводно е дефинитива, а поставена е и цена за неговите услуги.
Реал од заинтересираните клубови ќе бара 70-80 милиони евра, што реално е превисока цена за играч кој повеќе е надвор од терените отколку внатре во игра.
На овој начин Кралевите сакаат колку-толку да ги вратат вложентие пари, но тешко дека некој ќе ја плати бараната сума.
Бејл последните неколку месеци бепе поврзуван со Манчестер Јунајтед, а како потенцијата негова средина се споменуваат уште и Тотенхем и Челси.
Во текот на четири години во Реал, Бејл одигра вкупно 159 натпревари и постигна 70 голови.
