Аргентина во осминафиналето на Светското првенство ќе игра на 30. јуни против Франција, откако вчера со големи проблеми успеаа да ја победат Нигерија и да обезбедат пласман во нокаут-фазата.
Французите имаа шанса да си резервираат порано хотел во кој ќе престојуваат за време на групната фаза, а на Аргентинците им остана само хотелот рамад, каде што Лионел Меси и соиграчите ќе останат.
Немаше да биде ништо чудно доколку хотелот нема поглед на голем графит на Кристијано Роналдо. Ликот на Португалецот е нацртан на зграда од спротива, но за среќа графитот не се гледа од сите прозорци.
