Ајакс направи неверојатна грешка затоа што не го пријави своето засилување од 22 милиони евра за дуелите од нокаут-фазата во Лига Европа.
Ајакс плати 22 милиони евра за Себастијан Але од Вест хем и тоа беше нивно најголемо засилување, но грешката веќе е направена и не е познато дали тимот згрешил или УЕФА.
„Але не е на списокот и се обидуваме да пронајдеме за што се работи. Во контакт сме со УЕФА, но немаме прецизен одговор зошто Але не е на списокот на лиценцирани фудбалери“, соопштија од Ајакс.
Првиот меч Ајакс во Лига Европа го игра против Лил во Франција на 18 февруари, а една недела подоцна се игра реваншот.
