Јувентус ја прекина лошата серија во Серија А. Тимот на Лучано Спалети го совлада Наполи со 2-0 на „Алијанц стадиум“ во дербито од десеттото коло, а победата ја донесоа двата убави гола на Керим Алајбеговиќ и Џереми Бога, пренесува официјалниот портал на Јувентус.
Победата дојде на денот кога клубот го одбележа својот 129ти роденден.
Првото полувреме беше отворено. Гуљелмо Викарио уште во осмата минута одлично го одбрани ударот со глава на Лоренцо Лука, а Хуан Кабал со глава ја погоди стативата. Алајбеговиќ имаше неколку добри обиди, а голманот на Наполи, Алекс Мерет, забележа одлична одбрана во судиското продолжение на првото полувреме.
Мрежата се затресе во 70тата минута. По додавањето на Едон Жегрова, Алајбеговиќ шутираше со левата нога од работ на казнениот простор и ја испрати топката во горниот агол за 1-0. Пет минути подоцна Наполи остана со играч помалку, откако Лука Маријанучи доби втор жолт картон.
Во 87мата минута Бога, кој влезе на местото на Алајбеговиќ, по додавањето на Андреа Камбијасо шутираше со десната нога надвор од казнениот простор и ја смести топката во подалечниот агол за конечни 2-0, пренесува италијанската агенција Анса.
Наполи беше без тренерот Масимилијано Алегри на клупата поради суспензија, па екипата ја водеше неговиот помошник Ландучи.
„Играчите сами покажаа желба повторно да ја вратат довербата на нашите навивачи, влегуваа во дуели и трчаа за соиграчите и за екипата. Заслужено победија и затоа им честитам. Не постои тактика или систем на игра што помага ако не влегуваш во дуели“, изјави Спалети по натпреварот, пренесува Тутомеркатовеб.
Јувентус со 17 бода се наоѓа на седмото место, додека Наполи со 14 бода е осми.
