Зошто проблемот со улични кучиња СÈ УШТЕ постои? | Уште еден поткаст ↓↓↓
Арсенал се вклучи во акција на трансфер пазарот и покажува сериозен интерес за фудбалер кој во моментот го носи дресот на еден од своите најголеми ривали во англискиот фудбал.
Лондонскиот клуб веќе стапи во контакт со претставниците на Педро Нето за да го изрази интересот за ангажирање на португалскиот крилен фудбалер.
Така, Нето се најде на радарот на тимот кој го предводи Микел Артета, а Арсенал во него гледа играч кој може дополнително да го подобри офанзивниот дел на тимот.
Португалецот е познат по големата брзина, одличниот дриблинг и способноста да направи разлика во ситуации еден на еден.
Неговата способност да дејствува на различни позиции во нападот исто така претставува квалитет кој би можел да биде особено важен за Арсенал во текот на долга и напорна сезона.
