Лондонскиот тим Арсенал не направи ништо во преодниот рок, откако остана без потписот на српскиот голгетер Душан Влаховиќ, а притоа се ослободи од Пјер-Емерик Обамејанг.
Премиерлигашот има доверба во тренерот Микел Артета, а газдата на клубот е подготвен да потроши 200 милиони евра на засилувања за следното лето.
Главна желба на Артета останува Калвер-Луин од Евертон, а второ засилување во нападот треба да биде фантастичниот Александер Исак од Реал Сосиедад.
Тоа не е сè затоа што Арсенал е заинтересиран и за Рубен Невеш од Вулверхемптон, а неговата цена е околу 60 милиони евра, па вкупно со останатите двајца ќе чинат околу 200 милиони евра.
Артета минатото лето потроши 180 милиони евра на Вајт, Одегард, Рамсдејл, Томијасу, Локонго и Таварес, па со новите ѕвезди би требало да немаат повеќе проблеми да изборат место во топ-4.
