Артета сака да земе напаѓач од 100 милиони евра, но има еден проблем!?

Тренерот на Арсенал, Микел Артета има листа со потенцијални засилувања во јануари и на нив се наоѓа напаѓачот на Брентфорд, Ајван Тони.

Голгетерот на Брентфорд вреди 100 милиони евра и беше блиску до трансфер во Челси, но Арсенал дефинитивно ќе ја искомплицира ситуацијата.

За да не го прекршат финансискиот фер-плеј, „топчиите“ планираат да го ангажираат Тони на позајмица до крај на сезоната, а потоа да го откупат неговиот договор.

Нешто слично претходно направија и со голманот Давид Раја од Брентфорд, меѓутоа проблемот со Тони е тоа што Арсенал не може да позајми двајца фудбалери од ист клуб.