Баерн Минхен заинтересиран за играчот кој блеска во дресот на Брајтон

Од таборот на Баерн Минхен се заинтересирани во овој преоден рок да го ангажираат младиот десен бек на Брајтон, Тарик Лампти.

Лампти блеска во дресот на англискиот премиерлигаш и со своите настапи го привлече вниманието на поголемите екипи.

Младиот фудбалер во јануари си замина од Челси и за сума од четири милиони фунти направи трансфер во Брајтон каде одлично се пронајде и сега е мета на европскиот шампион.

Ханси Флик сака да има адекватна замена за Бенџамин Павар на десната бековска позиција, а Тарик Лампти совршено одговарал на неговите барања.