Диск голф го освојува светот, а го нема во Македонија!? ↓↓↓
Италијанскиот напаѓач Марио Балотели беше слободен фудбалер и долго време се поврзуваше со тимови во кои може да ја продолжи кариерата, сепак изборот падна на второлигашот Монца.
Монца е во рацете на поранешните главни луѓе на Милан, Силвио Берлускони и Адријано Галијани. Тренер на тимот е Кристијан Броки, а дел од екипата е и Кевин Принс Боатенг.
Галијани беше среќен затоа што Балотели се вклучи во нивниот проект, па притоа испрати јасна порака дека ова му е последна шанса да си ја спаси кариерата.
„Имав разговор со Балотели и му кажав дека ова му е последна шанса. Јас навистина го сакам Марио, тој е играч со технички и физички квалитети“, вели Галијани.
Балотели потпиша договор до крајот на годината, а има опција да ја продолжи соработката на уште една година.
