Шанса да станеш YouTuber! Приклучи се! ↓↓↓
Македонскиот репрезентативец Енис Барди вчера го облече дресот на турскиот шампион Трабзонспор со кој ќе се обиде да избори место во групната фаза во Лигата на шампиони (ЛШ), но и да ја одбрани титулата во Турција.
Барди имал понуда и од неколку други екипи, меѓу кои и од САД, па легендарниот Вејн Руни лично го убедувал да потпише за Ди-Си јунајтед, но македонскиот фудбалер не сакал ниту да чуе.
Руни имал неколку средби со Барди, но тој го одбил и му кажал дека сака да игра во ЛШ следната сезона, па затоа Трабзонспор беше идеален избор за него.
Македонскиот фудбалер имал понуда и од грчки Олимпијакос, но не сакал да потпише за нив, иако клубовите се договориле за трансферот.
Да потсетиме, Трабзонспор ќе се бори против Копенхаген за место во групната фаза на ЛШ.
