Време е за Boxing Day! И време е за Wildcard на Fantasy Premier league! ↓↓↓
Годишните награди за најуспешните спортисти за 2024 година беа доделени од страна на Министерството за спорт, славејќи го успехот на македонскиот спорт. Најголемото признание, титулата „Спортист на годината“, му припадна на кикбоксерот Бобан Илиоски, додека во женска конкуренција, таа чест ја доби таеквондистката Милјана Рељиќ.
Илиоски, кој неодамна стана европски шампион во категоријата до 86 килограми, уште еднаш ги потврди своите способности на спортската сцена. Со ова признание, кое го доби втора година по ред, ја укрепи својата позиција како еден од најуспешните спортисти на Македонија.
„Чувствувам огромна чест и задоволство што повторно ја добив оваа престижна награда. Ова признание ми дава дополнителна мотивација да продолжам да ја претставувам Македонија на најголемите спортски сцени и да ги донесам боите на нашето знаме до нови победи,“ изјави Илиоски при примањето на наградата.
Во категоријата на жени, наградата за „Спортистка на годината“ и беше доделена на Милјана Рељиќ.
