Проблемите за Манчестер Сити би можеле да станат уште поголеми. По извештајот дека независната комисија го прогласила англискиот великан за виновен за поголемиот дел од кршењето на финансиските правила на Премиер лигата, четири големи ривали ја разгледуваат можноста за покренување на постапки за оштета што тежи повеќе од 200 милиони фунти.
Според информациите од англиските медиуми, се работи за Манчестер Јунајтед, Ливерпул, Арсенал и Тотенхем. Сите четири клубови претходно формално го зачувале правото на поднесување барања за обештетување, за нивните потенцијални барања да не застарат додека трае долгата постапка против Сити.
Индипендент наведува дека успешните барања за оштета би можеле да ја надминат вкупната вредност од 200 милиони фунти. Тоа сепак не значи дека овие клубови автоматски ќе ги добијат тие пари, туку ќе треба да докажат конкретна штета и нејзината поврзаност со кршењето на правилата од страна на Сити.
