Хуан мартин Дел Потро ќе игра во финалето на олимпискиот тениски турнир во Рио де Женерио.
Дел Потро во првото коло го исфрли Новак Ѓоковиќ, а сега во полуфиналето го исфрли Рафаел Надал со 5:7, 6:4, 7:6.
Иако две години паузираше поради повреда, искусниот Аргентинец се врати со стил.
Во Рио покажа за каков тениски мајстор е, но и колку упорен е. Дел Потро со брејк го отвори мечот, но Рафа во шестиот гем од првиот сет ја врати предноста на сервисот и израмни на 3:3, а во 10 гем со нов брејк стигна до 1:0. Во вториот сет Дел Потро со еден брејк, тој во третиот гем, доаѓа до 6:4 и израмни.
Сигурни беа тенисеирте на својот сервис до деветтиот гем, кога Дел Потро стигн до 40:0, а тогаш ја искористи втората брејк шанса и дојде до чекор до победа. Но, Рафа каков што е – стегна заби и во 10 гем го врати брејкот и израмни на 5:5. Имаше Аргентинецот 40:0 на сервис на Надал кај 5:5, но Рафа успеа да се врати и буквално да избегне пораз. Во тај-брејк Рафа сепак попушти и Дел Потро избори финале против Енди Мареј, а Аргентинецот осигура барем сребро.
