До кога ќе дишеме отровен воздух!? | Уште еден поткаст ↓↓↓
Според информациите на познатиот инсајдер Фабрицио Романо, Наполи планира да ја активира откупната клаузула за напаѓачот Расмус Хојлунд, кој моментално е на позајмица од Манчестер Јунајтед.
Спортскиот директор на Наполи, Џовани Мана, потврди дека во клубот нема дилеми околу иднината на данскиот напаѓач.
„Нема никакви сомнежи. Расмус ќе остане тука. Имаме обврска за откуп од Манчестер Јунајтед во случај на пласман во Лигата на шампионите, но тој е во нашите планови без оглед на тој услов“, изјави Мана.
Хојлунд минатото лето пристигна во Наполи на едногодишна позајмица вредна околу шест милиони евра, додека клаузулата за откуп изнесува дополнителни 44 милиони евра, што ја подига вкупната вредност на трансакцијата на околу 50 милиони евра.
Данскиот напаѓач во Италија повторно се врати во добра форма и стана важен дел од тимот на Наполи. Досега во сезоната постигна неколку голови и забележа асистенции, со што ги увери челниците на клубот да сакаат да го задржат на подолг рок.
Според достапните информации, доколку трансферот стане траен, Хојлунд би можел да потпише долгорочен договор со Наполи до 2031 година, а во неговиот договор би била поставена и клаузула за излез од околу 85 милиони евра.
