Во моментов во речиси сите фудбалски лиги ширум Европа владее пауза поради коронавирусот.
Мал дел од тимовите тренираат, а поголемиот дел ја очекуваат разврската со пандемијата и евентуалното враќање на терените.
Додека трае паузата, од Манчестер Јунајтед се решија да му дадат последна шанса на Тимоти Фосу Менса и да му го продолжат договорот на дополнителна една сезона.
Холанѓанецот по две неуспешни позајмици во Кристал Палас и Фулам се врати во Манчестер Јунајтед, но имаше тешка повреда на коленото која не му дозволи да има настапи оваа сезона. Во последно тој редовно тренира со првиот тим и се очекува да добие шанса до крајот на оваа сезона.
