На ред е големото дерби, Манчестер Сити - Ливерпул! ↓↓↓
Лука Дончиќ, на изненадување на целиот свет, беше разменет во Лос Анџелес Лејкерс за Ентони Дејвис, а сега сопственикот на тимот Патрик Думонт ги откри причините зошто ја отстранил првата ѕвезда на тимот. Неговите зборови се силен удар врз Словенецот.
Никој во светот на кошарката не ни сонувал дека Лука Дончиќ ќе биде дел од размена, бидејќи Далас Маверикс градел тим околу него кој требаше повторно да го нападне НБА прстенот.
Навивачите на тимот од Тексас се исклучително незадоволни поради фактот што раководството на тимот го отстрани Словенецот. Протестите се жестоки, а најголема жртва е генералниот менаџер Нико Харисон, кој трпи големи навреди и кој е означен како главен виновник за загубата на омиленото лице на франшизата, иако тој над него има челници на тимот кои ја донесоа конечната одлука.
Сопственикот на Далас Маверикс, Патрик Думонт, реши за „Далас Морнинг Њуз“ да објасни зошто се одлучи да го размени Дончиќ. Тој жестоко нападна на Словенецот.
„Тимовите победуваат затоа што сите играчи се фокусирани и имаат вистински карактер, носат вистинска култура, покажуваат вистинска посветеност во работата и работат напорно за да придонесат за шампионски исход. Ако не се работи така, доаѓа поразот“, наведе Думонт и додава:
„Ако гледате на најдобрите некогаш – Џордан, Бирд, Коби, Шек, сите тие секој ден работеа напорно и беа фокусирани само на победа. Не оди ако немате тоа во себе, а ако немате тоа, не ви треба да бидете дел од Далас Маверикс. Тоа е она што ние го бараме“, рече Думонт.
Ова е дефинитивно вистинско понижување од поранешниот тим кон Словенецот кој во изминативе години правеше чуда на паркетот и често играше повреден за тимот да победува.
