Дончиќ го достигна Џордан, ама не можеше сам против Голден Стејт

Словенечкиот кошаркар Лука Дончиќ беше елиминиран со Далас маверикс од финалето во Западната конференција од Голден Стејт вориорс.

Дончиќ постигна 28 поени, девет скокови и шест асистенции, но ниту тоа не му помогна на Далас маверикс кој загуби од Голден Стејт.

Ѕвездата на Далас го заврш плејофот со просек од 31,7 поени, 9,8 скокови и 6,4 асистенции и така стана втор кошаркар, по Мајкл Џордан, кој успеал во три плејофи по ред да има најмалку по 30 поени, пет скокови и пет асистенции во просек.

За Дончиќ ова беше трет плејоф во НБА-лигата, а овој пат напредуваше најмногу и стигна до финалето во конференцијата.