Дончиќ имал сериозни проблеми: Спиев по 13-14 часа дневно!


Го чекав ова! Аргентина на „мојата“ Холандија - 18 ден ↓↓↓



Ѕвездата на Далас маверикс, Лука Дончиќ не се прослави на Евробаскетот каде што неговата репрезентација испадна во четвртфиналето.

Дончиќ одигра неколку врвни натпревари, но сепак во дуелот против Полска разочара како и неговите колеги.

Словенечкиот кошаркар ја почнува претсезоната со Далас, а вели дека е одморен затоа што по Евробаскетот морал да спие по 13-14 часа.

„Сега сум во ред, по првенството спиев по 13-14 часа дневно. Успеав да се одморам. Целта ми е иста, а тоа е да се освои првенството. Се чувствувам добро во моментов“, вели Дончиќ.

Фантастичниот кошаркар минатата сезона во просек постигнуваше над 28 поени, девет скокови и осум асистенции во НБА-лигата.