Кошаркарите на Далас маверикс ќе играат против Голден стејт вориорс во големото финале на Западната конференција, откако го декласираа Феникс во „мајсторката“ со 123-90.
Одличен натпревар за Далас одигра словенечкиот кошаркар Лука Дончиќ, кој постигна неверојатни 35 поени и 10 скокови, а притоа имаше поддршка од Динвиди со 30 поени и Брансон со 24.
Најголемата разлика која ја имаше Далас во еден момент беше +46, кога беше сè решено, но потоа Дончиќ и другарите се опуштија, по што Феникс успеа да ја намали разликата.
