Италијански „Телевормеро“ објави дека македонскиот фудбалер Елиф Елмас сакал да си замине од Наполи минатото лето, но тренерот Лучано Спалети го убедил да остане.
Елмас размислувал да замине од Наполи, а во тој момент постоеше интерес од Милан, меѓутоа Спалети разговарал со македонскиот фудбалер и му кажал дека ќе има важна улога во екипата.
Македонскиот фудбалер остана „џокер“ оваа сезона, односно во првите 14 натпревари кога имаше два дуели на кои беше стартер, а засега има пет голови за Наполи.
Наполи е на добар пат да го освои Скудетото бидејќи има 10 бодови повеќе од Интер.
