Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Елиф Елмас, член на македонската фудбалска репрезентација, повторно е во центарот на интересите на европскиот трансфер-пазар. По неколкуте негови впечатливи трансфери досега, овој 24-годишен креативец може да направи нов чекор напред, бидејќи италијанските медиуми интензивно го поврзуваат со еден од најпрестижните клубови на Апенинскиот Полуостров – Рома.
Иако има важечки договор со германскиот Лајпциг, изгледа дека времето на Елмас во Бундеслигата истекува. Гермнскиот тим веќе не го гледа како дел од своите идни планови, што отвора можност за негово рано заминување во текот на летото. Според италијанските спортски медиуми, македонскиот интернационалец бил понуден на „волчицата“ од Рим, која со сериозен интерес го разгледува неговиот можен ангажман.
Римските тренери го гледаат Елмас како разновиден фудбалер – технички поткован и интелигентен во играта, со добро изразен инстинкт за гол. Може да се натпреварува на позицијата на левото крило, каде е Суле, но исто така и да учествува како креативен играч за врска во системот на новиот тренер.
Фото: Принтскрин