Роџер Федерер има само уште една шанса да освои Гренд слем, според поранешниот австралиски тенисер Пат Кеш.
Да потсетиме дека Федерер загуби од Новак Ѓоковиќ во полуфиналето 3-0 во сетови на неодамна завршениот Австралија опен, со што остана во 20 грен слем титули.
Надал во моментот има 19 , а Ѓоковиќ 17, па стана многу возбудливо. Кеш верува дека Федерер има само уште една шанса да стигне до 21-от гренд слем и тоа на Вимблдон.
„Федерер има шанса, веројатно само уште една, да освои Гренд Слем и тоа е Вимблдон. Мислам дека тој сè уште е меѓу најдобрите играчи на трева“, изјави Австралиецот за Би-Би-Си.
Тој додава:
“Другите момци, исто така, сакаат да продолжат да покажуваат добри игри. Секој турнир е различен поради повреди и други работи. Во моментов, секоја повреда е проблем за постарите момци кои може да бидат отсутни поради тоа”.
Кога станува збор за Кеш, тој освои само еден Гренд Слем во текот на неговата кариера и тоа Вимблдон во 1987 година.
