Возачот на Мекларен, Ландо Норис ја запре победничката серија на Макс Ферстапен на трката за Големата награда на Мајами.
Норис конечно го оствари првиот триумф во Формула 1 по 110 трки, а доби честитки од сите колеги, меѓу кои беше и Ферстапен.
„Понекогаш ќе победиш, некогаш ќе загубиш. Денеска имав проблеми, но среќен сум поради Ландо. Долго чекаше на победа и конечно се израдува, а јас верувам дека нема да му биде последна победа во Формула 1“, кажа Ферстапен.
Ферстапен е прв во генералниот пласман со 136 бодови, по што следи Перез со 101, додека Леклер има 98 бода.
