Данска vs. Македонија: Како тие се справуваат со отпадот, додека ние се расправаме кој е крив? ↓↓↓
ФИФА во претстојниот период ќе тестира ново правило со кое сака да го намали губењето на времето и да го зголеми ефективното траење на натпреварите!
Имено, играчите кои поради повреда побараат медицинска помош ќе мора да останат надвор од теренот две минути, потврди претседателот на Судиската комисија, Пјерлуиџи Колина.
Како што објасни Колина, правилото ќе се применува во сите ситуации, освен ако повредата не е предизвикана од противнички играч кој притоа добива жолт или црвен картон. Исклучок ќе бидат и голманите, на кои оваа нова ограничување нема да се однесува.
Целта е, наведува ФИФА, да се намали бројот на симулации и „погодни“ повреди кои се користат за одолговлекување, како и да се натераат тимовите да играат одреден период со еден играч помалку – доколку повредата е вистинска.
Правилото првпат ќе биде тестирано на Арапскиот куп 2025, кој ќе се одржи од 1 до 18 декември во Катар. Ако сигналот биде позитивен, можно е да се прошири примената на поголеми натпревари, вклучувајќи го и Светското првенство следното лето.
