До кога ќе дишеме отровен воздух!? | Уште еден поткаст ↓↓↓
Тренерот на Барселона, Ханси Флик, бил бесен на своите фудбалери на утринскиот состанок по разочарувачкиот настап, пренесуваат шпанските медиуми.
Германскиот стратег остро им замерил на играчите дека настапиле без душа, без вистински натпреварувачки дух и без потребната интензивност. Според информациите, Флик им порачал дека недостигале желба, агресивност и вистинска глад за победа – нешто што е недозволиво за тим кој има шампионски амбиции.
Тој потенцирал дека прикажаната игра не била достојна за освојување трофеи и дека вакви изданија нема да се толерираат. Јасно ставил до знаење дека очекува значително подобрување во следните натпревари.
Пораката од Флик била директна и недвосмислена – ако сакаат успеси, мора да покажат повеќе карактер, енергија и одговорност на теренот.
