Првакот на Холандија, тимот на Ајакс оваа сезона беше на чекор од голема сензација во Лигата на Шампионите.
Ајакс во Холандија успеа да дојде до дупла круна, а само секунди го делеа овој тим од пласманот во финалето на Лигата на Шампионите.
Меѓутоа, во реванш натпреварот во полуфиналето, Тотенхем успеа да постигне гол во последните секунди и да го елиминира најпријатното изненадување на Лигата на Шампионите за оваа сезона.
Сепак, во Ајакс веќе чекор по чекор се спремаат за новата сезона, а пред нив има доста работа. Свесни се дека ќе останат без поголем дел од играчите кои настапуваа во првиот тим кои воодушевија многумина со својата игра.
Но и покрај тоа, припремите за новата сезона веќе започнаа со тоа што беа претставени новите дресови на тимот. Гостинската гарнитура е веќе промовирана, а дизајнот и боите на дресот ја воодушевија фудбалската јавност.
