Македонската фудбалска репрезентација вчера доби лоши вести со кои се потврди дека нема да може да смета на Кире Ристевски, Крсте Велкоски и Енис Барди, но и Грузија има проблеми, односно нема да може да смета на еден од нивните најдобри фудбалери Квича Кварташкелија.
Како што кажа и македонскиот капитен, Горан Пандев, Кварташкелија е квалитетен фудбалер, а неговото отсуство дефинитивно е лоша вест за Грузија. Исто така, тие нема да може да сметаат на Леван Шенгелија.
Натпреварот меѓу Грузија и Македонија се игра денеска со почеток од 18 часот во Тбилиси.
