Ѓоко Хаџиевски, поранешниот македонски селектор, оствари голем успех со својата екипа Емирати, која ја врати во елитната конкуренција во Обединетите Арапски Емирати.
Тимот на Хаџиевски славеше со 6-0 против Масафи и на едно коло пред крајот си обезбеди недостижна предност пред ривалите, а со тоа и промоција во елитата.
Емирати има три бодови предност пред последното коло, како и +15 голови, но и подобар меѓусебен дуел од ривалот Ал Батаех.
Заедно со Хаџиевски во стручниот штаб на Емирати се уште и Никола Аврамовски, Филип Деспотовски и Филип Маџовски.
