Пред дербито, падна најважниот потпис во Манчестер Сити! ↓↓↓
Возачот на Естреља Галиција Марк ВДС рејсинг, Џек Милер триумфираше на големата награда на Холандија.
Младиот Австралиец дојде до големо изненадување после фантастичното возење во Асен и трката која беше возена во два дела поради лошите временски услови.
Милер така стигна до првата победа во најсилната класа, а исто така стана и првиот возач кој победил, а да не е член на фабрички тим од 2006-та година.
Второто место му припадна на Марк Маркез, а третото на Скот Рединг. Актуелниот шампион Хорхе Лоренцо заврши 10-ти, а Валентино Роси ја заврши трката после паѓање во момент кога имаше водство.
ГН на Холандија ја обележа лошите услови и трката беше прекината во 15-тиот круг. Во моментот на прекинувањето Петручи беше пред Довициозо и Роси. Довициозо беше тој кој беше прв пред кругот пред прекинувањето и затоа тргна од првото место во продолжението од трката. Во вториот дел требаше да возачите да возат уште 12 кругови, а три возачи кои беа на првите три места не ја завршија трката. Прво на Петручи му се расипа моторот, а Роси и Довициозо паднаа. После нивните проблеми, Маркез дојде на првата позиција, но многу брзо му се придружи Џек Милер кој успеа да го помине и да победи.
