Зошто проблемот со улични кучиња СÈ УШТЕ постои? | Уште еден поткаст ↓↓↓
Пред четвртфиналето на Светското првенство против Англија, во кампот на Норвешка владеат проблеми кои го нарушуваат подготовките на таа репрезентација за историскиот натпревар.
Екипата по само една ноќ го напушти хотелот во Мајами каде што беше сместена поради незадоволство со условите, а дополнителен проблем претставува и стомачниот вирус кој го зафати дел од екипата.
Норвешките репрезентативци, предводени од Ерлинг Халанд, првично беа сместени во хотел во Форт Лодердејл, но поради повеќе забелешки одлучија да ја сменат базата.
Како што пренесуваат британските и норвешките медиуми, играчите и стручниот штаб ги вознемирија бучавата од блиската градба и прометната улица, недостатокот на заедничка просторија за состаноци, оддалеченоста од плажата, како и забелешките за хигиената.
Капитенот Мартин Одегард изјави дека во репрезентацијата сакале да обезбедат најдобри можни услови за подготовка за една од најважните натпревари во поновата историја на норвешкиот фудбал.
“Имаше неколку работи кои можеа да бидат подобри, па реагиравме. Целта ни е да ги оптимизираме условите и што по¬подготвени да го дочекаме четвртфиналето”, рече Одегард.
Селекторот Столе Солбакен истакна дека имало премногу ситни проблеми кои влијаеле на секојдневната работа на екипата.
“Сакаме да бидеме заедно како тим и да имаме адекватен простор за состаноци. ФИФА покажа разбирање и ни помогна да најдеме подобро решение”, рече Солбакен.
