Улични кучиња: Системски или човечки проблем? | Уште еден поткаст ↓↓↓
Во бразилскиот фудбал изби голема контроверза по инцидентот на тренингот кој ги вклучува Нејмар и младиот Робинјо Јуниор. Ситуацијата брзо ескалираше, а епилогот би можел да биде заминување на еден од најталентираните играчи на клубот.
Голем скандал го потресува Сантос откако бразилските медиуми објавија дека дојде до физички конфликт меѓу Нејмар и младиот напаѓач Робинјо Јуниор, син на некогашната ѕвезда на бразилскиот фудбал.
Според повеќе извори, инцидентот се случил за време на тренингот на резервниот тим, кога Нејмар бурно реагирал откако 18-годишникот го извадил од рамнотежа со дриблинг, што очигледно му пречело на искусниот фудбалер.
Наводно, Нејмар во тој момент му порача на помладиот соиграч да се ‘смири’, по што дојде до вербален конфликт кој брзо прерасна во физички контакт, вклучувајќи туркање помеѓу двајцата играчи.
Ситуацијата, според истите извори, дополнително ескалирала кога Нејмар наводно удрил Робињо Јуниор и му подметнал нога, по што и двајцата биле оддалечени од тренингот за да се спречи понатамошно влошување на ситуацијата.
Набрзо по инцидентот, младиот фудбалер реагирал правно, па неговиот правен тим испратил официјално предупредување до клубот, барајќи во рок од 48 часа да се преземат конкретни чекори, вклучувајќи започнување на истрага и доставување снимки од тренингот.
Во документот се наведува дека Нејмар ‘изнел навреди, го сопнал и насилно го удрил по лице’, додека од клубот се бара и официјално изјаснување за целиот случај, како и организирање состанок на кој би се разговарало за можен раскин на договорот.
