Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓
Англискиот играч од средниот ред, Џордан Хендерсон, вели дека имал „тешки моменти“ кога го напуштил Ливерпул и преминал во Саудиска Арабија, и дека „можел да донесе поинакви одлуки“.
Триесетпетгодишникот се соочи со остри критики кога во 2023 година го напушти Ливерпул за да игра за Ал-Етифак.
„Со тек на време, гледајќи наназад, да – можеби ќе донесев поинакви одлуки. Но во тој момент така се чувствував и одлуката ја донесов поради многу различни причини, кои само јас ги знам. Нема да лажам, во последните неколку години имав тешки моменти. Заминувањето од Ливерпул изгледаше како разделба. Секако дека не сум совршен и правев грешки во минатото. Грешки правев низ целата кариера. Но сè што некогаш се обидував беше да правам правилни работи“, рече Хендерсон на собирот на репрезентацијата на Англија.
Хендерсон не беше дел од тимот на Герет Саутгејт за ЕУРО 2024, но сега се врати во Премиер лигата, игра за Брентфорд и е дел од англиската репрезентација под водство на Томас Тухел.
„Не мислам дека (престојот во Саудиска Арабија) е причината што го пропуштив Европското првенство“, рече Хендерсон, „Додека бев таму, бев повикан во секој камп пред првенството“.
