Интер избра помеѓу Ракитиќ, Матиќ и Видал, познато кој ќе стигне на „Меаца“ во јануари

Од раководството на Интер планираат да ги засилат своите редови со искусен играч од средниот ред.

Долго време се шпекулира дека Артуро Видал, Иван Ракитиќ или Немања Матиќ ќе го засилат тимот кој оваа година игра одлично под водство на Антонио Конте.

Според „Тутомеркато“ изборот паднал на Немања Матиќ кој би чинел најмалку од сите играчи. За српскиот интернационалец Интер ќе треба да издвои околу 20 милиони евра.