Една од двете ѕвезди во Бруклин Нетс, Кајри Ирвинг нема да се врати на терен за брзо време.
Нетси без Ирвинг играат веќе неколку седмици, а како што пренесуваат американските медиуми така ќе биде и наредниот период.
Повредата која се вика торакален бурситис е причина Кајри да отсуствува уште две до три недели.
Нетси без него некако се снаоѓаат и успеваат да бележат победи па моментално се на 7. позиција на Источната конференција со овосезонски скор од 16 победи и 13 порази.
Кога е во прашање Ирвинг тој оваа сезона бележи просек од 28,5 поени по меч, 5,4 скокови и 7,2 асистенции.
