Диск голф го освојува светот, а го нема во Македонија!? ↓↓↓
Репрезентацијата на Италија на најдобар можен начин ги заокружи перфектните квалификации во кои ги собра максималните 30 бода откако со неверојатни 9:1 славеше против репрезентацијата на Ерменија.
Разиграните „Аѕури“ ги торпедираа гостите, а гол серијата ја започнаа уште во 8. минута кога Имобиле го отвори резултатот. Една минута подоцна Заниоло погоди за 2:0, а потоа головите се редеа како на филмска лента.
Истите играчи до крајот погодија уште по еднаш,а стрелци на голови беа и Николо Барела, Ромањоли, Жоржињо, Орсолини и Киеза, додека почесниот гол за Ерменија го постигна Бабајан.
Данска се пласираше на Европското првенство откако издржа во Даблин и одигра реми против Ирска со 1:1.
Шпанија со 5:0 славеше против Романија, додека Шведска со 3:0 ги совлада Фарските Острови. На овој натпревар дебитираше Дејан Кулушевски кој сега и официјално е шведски репрезентативец.
