Фудбалскиот клуб Хајдук од Сплит денеска соопшти дека поранешниот хрватски репрезентативец, Иван Ракитиќ, ја презеде функцијата технички директор на клубот.
Во новата улога, 37-годишниот Ракитиќ ќе биде еден од соработниците на спортскиот директор Горан Вучевиќ, а како што истакна, целосно е посветен на новите предизвици.
– Благодарен сум на претседателот Иван Билиќ и спортскиот директор Горан Вучевиќ за дадената доверба. Сакам да му помогнам на Хајдук и тоа е мојата единствена цел и мотивација во овој момент. Подготвен сум да работам и да го дадам најдоброто од себе за клубот да напредува, а Хајдук ќе го има на располагање моето знаење, искуство и контакти во светот на фудбалот. На навивачите можам да им порачам дека истото залагање и труд што ги давав како играч, можат да ги очекуваат и сега во оваа нова улога – изјави Ракитиќ.
Фото: Принтскрин
