Реал Мадрид синоќа во последните моменти стигна до бод на гостувањето против Валенсија.
Валенсија водеа од 78. минута со голот на Солер и кога се се чинеше дека е готово, во 95. минута следеше шок за навивачите на овој тим.
Играчите на Реал Мадрид изведоа корнер, кој практично беше нивниот последен напад, па и голманот Тибо Куртоа се упати кон шеснаесетникот на Валенсија.
Нафрлената топка од корнер ја погоди Куртоа со глава и за малку не постигна гол, а во гужвата по одбиената топка најдобро се снајде Карим Бензема кој погоди за 1:1.
Последните моменти од натпреварот не беа лесни за гледање ни за Зинедин Зидан кој изгледаше загрижено пред изведувањето на корнерот, а по голот на Бензема имаше голема насмевка на своето лице.
