Филипе Кутињо сепак би можел да добие шанса во Барселона.
Поточно, тренерот Барса Сетиен му рекол на раководството на клубот дека сака да го задржи и да се обиде да се вклопи во неговиот систем.
Секако, тоа ќе се случи доколку Баерн Минхен не го откупи неговиот договор.
Во Барса сметаат дека им е потребен фудбалер со вакви карактеристики и можат да го „разбудат“ Кутињо.
Вчера имаше и информација дека Кутињо може да замине во Англија, со оглед на интересот на Челси, но прашањето е колку е изводливо.
Кутињо оваа сезона забележа вкупно 32 натпревари за Баерн и постигна девет гола со осум асистенции.
Барселона за него плати дури 120 милиони евра пред нешто повеќе од две години.
Дали ќе се врати во Шпанија и ќе ги оправда големите пари останува да видиме.
